Hibalong

Matood na Kilyab

Alphredite — Thu, 07 Jul 2011 10:08:29 +0000

Mahal na Cagurangnan
hanap ta Ka daw sana,
sa magagayong lugar?
O hanap ko daw sana,
an makabutang sildang
kan Saimong presensya
sa may ilaw na dalan?

Ta’wan Mo ako nin kusog,
ta’wan Mo ako nin isog
na lumakaw sa madiklom
na dalan nin sakripisyo,
sa dalan nin pagtitios
na pasiring sa lubungan
kaining sadiring ako.

Ta uyaon sana duman
matood kong mabibisto
an matood na kilyab Mo.

***
Obra ni Franco Coralde Sangreo
04.26.11, hale sa FB page na
An Samuyang Kakanon sa Aro-Aldaw: Sarong Bulan nin Bikolnon na Rawitdawit

An Mapa-Santigwar

Alphredite — Mon, 02 May 2011 05:54:35 +0000

ni Joy S. Fernandez*

Banggi.
Sa kadiklumán, daí ko mahiling
Ang makusóg na bulos kang urán.
Matí ko an hibog kan dugí
Na minabutong sa sakóng duwáng bitís.
Garô minadukot sa sakong dumóg na badò.
Ang gabós na lipot kan kadlagán na iní.
Ang pigsususog ko na ilazw kan gasera
Hali sa haróng kan guráng na babayĕ
Garô daí man nagraraní.

* Si Joy S. Fernandez taga Syudad nin Tabaco asin sarông estudyante kan Bicol University, College of Arts and Letters. An rawit-dawit na saiyang isinurat mahihiling sa Kalapakapa [panduwang luwas].

Balosbalos Sana*

Alphredite — Mon, 02 May 2011 05:44:54 +0000

ni Eustaquio Dino

Si sadit na olod na nagkitay-kitay
Marambong na kahoy doman nabibitay;
Napanale sana sanga nagragaak,
Na kobhan si olod, sa tubig lumagpak.

Kanayon sinibo maputing balanak
Makintab an kiskis mayong pagkaherak
Mayong paghimano dagos na kinaon
Ta gotom an sira, saro pa pasloon.

Bayong na piskarol, parasira gamgam
Sisaklot an sira, mayong pagdagamdam;
Iyan si pagabot kan owak linibon
Asin dagos na hinamil kan duman itoon.

Halipot na gayo an mga kaogmahan
An gibong timawa pinagbabayaran;
Pagtogdon kan owak sa kahoy na laya,
Nabadil, naholog, gadan huminogpa;
Ta lagbas nin lugad magibong na payo
Ta itong parabadil maninggo na gayo.

An gibo niyang igwa man nin kabalyo
Kon kaya, naotsan panali, dai man tinoyo
Moyong na tao! Nadamdaman dao niya
Na riboribong olod sasaramaan siya?

An taririk nin buhay napakalip-ot na.
Magpopoon giraray ta balos-balos sana.
Marasapa ta siring digdi sa kinab-an,
Sa pasiribasiba gikan an mga ralaban.

* hale sa Haliya: Anthology of Bikol Poets and Poems ni Maria Lilia F. Realubit, pp. 36 – 37; Saro sa mga rawit-dawit na minapahiling sa taririk nin buhay na sakuyang namuyahan.

An Kahoy Asin Gamgam*

Alphredite — Mon, 02 May 2011 05:22:10 +0000

Igwang sarong dakulang kahoy
Halangkaw na daing sanga,
Marambong na daing dahon
Maliwanag na madiklom.

Si bungang orog kahamis
Siring kan apdo kapait,
Nakakaomay sa sakit
Nakakagadan na pirit.

Mala itong sarong gamgam
Na si bunga kuminakan,
Naogma ta naomayan
Iyo na si pagkagadan.

An saro pa kaini
Nagigibuhon ko,
An gabos na dahon
Pamimirmahan ko.

Ta minsan marakdag
Mapurot kan tawo,
Dai mawawara
Huli ta pirmado.

* hale sa HALIYA: Anthology of Bikol Poets and Poems

An Gamgam na Perico*

Alphredite — Mon, 02 May 2011 05:14:02 +0000

Naghale ka na palan
Ako simong babayaan
Sisay an walat mo ngonyan
Na sakong kaulay-ulay

An iwawalat ko simo
Sarong gamgam na perico
Kong malipungaw kang gapo
Iyong kaulay-ulay mo.

An tugon ko simo lamang
Idakop mo akong gamgam
Badilon mong dai putkan
Puruton mong dai kaptan.

Idanat mo siya nin tubig
Itong bakong mainit
Dodotan mo nin tubis
Balukag dai malungis.

Dangan mo siya gibuhon
Manikagduwang kakanon
Kadilyohon mong maray
Hawak dae malugadan

Dangan mo siya gibohon
Manikagduwang kakanon
Ibogtak mo siya sa platon
Dangan mo siya buhayon

Dangan mo siya palayuga
Dai makaluwas sa hawla
Ngani niyang Makita
An magayon na prinsesa.

* hale sa HALIYA: Anthology of Bikol Poets and Poems

LALANG

Alphredite — Wed, 23 Mar 2011 11:49:49 +0000

ni Eduard Carrascal

Nata ta an dahon minatakdag sa daga kun sinda alang na?

Nata ta an rakoy kan paroy minaduko kun anihon na an oma?

Kun ako magin paros,may pakasabot asin mapinadaba,

May posible kayang matimbang ko an gabat ninda?

Nuarin matonong magbobolos an salog pasiring sa dagat?

Hanggan saen an balagon kan Gumon sa sapa makanap?

Pirang Balite pa an kaipuhan kumugos sa sakong kamaw-otan,

Na an lipot asin linaw kan tubi sa Burabod sakong madootan?

Saen minalayog an talabong sa hapon kun sinda maturog na?

Saen napaduman an uran kun sa gutak ka daga sinarumsum na?

Saen an hinangos minaduman kun an tawo maut-san na?

Kun ako maghingoha,an gabos kayang ini sacong makukua?

Siisay sindang may panahon himateon an huni kan Tariktik?

Sa limpoy kan Palawan, harani sa Dalipay, sa gilid masulit.

O guiraray manamitan an handab kan Tabagwang asin sapog kan Barbo

Mabariw o Mabikal man an dalan pabulod tutukadon ko.

Kun an aldaw guiraray minasirang pagka-aga,nata ta dai ko makaya?

kun an bitoon masin-agon sa diklom nin banggui,nata ta dai ko makaya?

kun ako madagka na magpuka,dai magkaturog,maghalat.

Kun ako madagka na magpuka,maghalat,

May posible kayang mahiling ko sinda?

An gabos na bagay may rason, may halaga

Dai matalubo an tinanom kun elemento nin Pagkamoot dai niya makua.

An turaok nin manok guiraray mamamati saagang pagka-aga.

Por dahil ta ini lalang sa Pagkamoot nin Dios Ama.

An Kahoy Asin Gamgam

Alphredite — Wed, 23 Mar 2011 11:28:41 +0000

Igwang sarong dakulang kahoy

Halangkaw na daing sanga,

Marambong na daing dahon

Maliwanag na madiklom.

Si bungang orog kahamis

Siring kan apdo kapait,

Nakakaomay sa sakit

Nakakagadan na pirit.

Mala itong sarong gamgam

Na si bunga kuminakan,

Naogma ta naomayan

Iyo na si pagkagadan.

An saro pa kaini

Nagigibuhon ko,

An gabos na dahon

Pamimirmahan ko.

Ta minsan marakdag

Mapurot kan tawo,

Dai mawawara

Huli ta pirmado.

***

Reference: HALIYA: Anthology of Bikol Poets and Poems

An Gamgam na Perico

Alphredite — Wed, 23 Mar 2011 11:22:52 +0000

Naghale ka na palan
Ako simong babayaan
Sisay an walat mo ngonyan
Na sakong kaulay-ulay

An iwawalat ko simo
Sarong gamgam na perico
Kong malipungaw kang gapo
Iyong kaulay-ulay mo.

An tugon ko simo lamang
Idakop mo akong gamgam
Badilon mong dai putkan
Puruton mong dai kaptan.

Idanat mo siya nin tubig
Itong bakong mainit
Dodotan mo nin tubis
Balukag dai malungis.

Dangan mo siya gibuhon
Manikagduwang kakanon
Kadilyohon mong maray
Hawak dae malugadan

Dangan mo siya gibohon
Manikagduwang kakanon
Ibogtak mo siya sa platon
Dangan mo siya buhayon

Dangan mo siya palayuga
Dai makaluwas sa hawla
Ngani niyang Makita
An magayon na prinsesa.

****

Reference: HALIYA: Anthology of Bikol Poets and Poems

Nuarin Pa?

Alphredite — Fri, 10 Sep 2010 09:33:28 +0000

Ni M.I.

Makulog sa boot an sakuyang namamatean
Arog kan dati na dai ko masabutan
Ang enot na pagkamoot na dai nawawara sa puso sagkod pa man
Hinanap, nahiling, mawawara guiraray
Dai sukol ang kulog kan namamatean
At mawara guiraray an haloy na hinanap
Padaba ko, padaba ko, padaba ko
Namumutan ta ka
Pero uni na an satuyang buhay
may iba ng kadamay
Nuarin pa? nuarin pa?
An magkahuron kita
An maghilingan kita
An magsabi kan gabos na namamatean
Na haloy na nagkaturog, kan magmata, nahiling na, mawawara pa?
Haloy ka nang dae nagtaram kan saimong pagkamoot
Haloy kang pighalat, hain ka kan kaipuhan ta ka?
Naghanap ka man lamang sako?
O ako sana pa lan an naghanap saimo?
Haloy na akong luway na ginadan
kan maaraman kong ang pighahalat ko wara na pa lan.
Padaba ko, an pagkamoot ko para saimo
Hain ka???
Iba an kataning sa pagturog
Iba an kataning sa pagkaon
Iba an kataning sa paglakaw sa buhay
Padaba ko, wara na akong pighahalat siguro
Nuarin pa? nuarin pa?
An pighahalat ko ay pagkakataon
na minsan maghilingan man guiraray asin magkahuron
Ang minsang duwang puso na namoot nin dayupot….

***

Hale sa Bik-Lish

Romansa sa Pagultanan kan Paglimugmog asin Pungungubeta

Alphredite — Fri, 10 Sep 2010 09:29:48 +0000

Basta pirmi aga, sa pagultanan kan paglumugmog asin pangungubeta,
Narurumduman ko ika.

Kung namiminod pa daw an simong pasanan?
Nalilindok ka pa daw sa simong luluknan?

An pila daw kan FX mo minalubid hangang kanto?
Nakakanta mo na ang Kiss Me na bakong sintunado?

Basahon mo na daw ang mga librong Harry Potter?
Nangitorogan ka pa daw kan unanong minasaccre?

Nagmimirindal ka pa daw nin betamax sa park?
Duman gayod na-snatch su pantulo mong ipod?

Pinadagos mo pa daw klase sa pagju-judo?
Shower sa condo mo bako na daw barado?

Atyan baad basahon ko naman an saimong horocope,
Baad i–add ta ka naman sa friendster buda facebook.

Sa aga, sa pagulatanan kan palimugmog asin pangungubeta,
Dae ko aram kun sakong marumduman
Na duwang taon mo na akong binayaan.

Mamondo pag-aga, matapos maglimugmog asin mangungubeta,
An malingawan na dapat ka nang malingawan.

An post po na ini hale sa Bik-Lish