sa alapaap
sa taas, lampas panganoron
didto nakahugdon
didto mahahanap
sa salog
sa dagat
an tubi masulog
maaskad, maarat
sa tuktok san bulod
sa patag na ingod
an mga tinanom
marambong, magayon
maski diin darhon
maski diin hanapon
pirit man itago
isurot man sa buho
nakupsit
nasirit
nalutaw
nasungaw
“aw akay man daw?”
an sabi san luhaw
“ako napurisaw”
an pamati bahaw
“inlalasaw” an sabi san lurong
aram na lingatong
dire pa magkunong
di ada maburong?
[Published with permission. Originally posted from this Facebook note.]
Diskusyon
Walang puna.