//
nagbabasa ka po kan...
Bicol

WARA NA SINDA GABOS

Posted by ⋅ ⋅ Mag-iwan ng puna
Filed Under  , ,
Ni Abdon M. Balde, Jr.
.
Wara na, wara na sinda gabos
Trangkilo na an kapalibutan
An paghibi dapat nang matapos
.
Nakalihis na su makuring paros
Sa nagkagaraba na kaharongan
Wara na, wara na sinda gabos
.
May bulong pa daw sa mga pagtios
Na pagabat sa satuyang daghan?
An paghibi dapat nang matapos.
.
Ipamugtak nang biyo an buot
Na wara nang mabalik nuarin man
Wara na, wara na sinda gabos
.
Dai mo na baya ipagpadagos
An pagparakutkot sa natambunan
An paghibi dapat nang matapos
.
Su nalubong bayaan nang lubos
Magpahingalo sa kamurawayan
Wara na, wara na sinda gabos
An paghibi dapat nang matapos
***
Source: Mr. Abdon M. Balde, Jr.

About Alphredite HD ✍

Ipinagpapasalamat asin urgullo ko na maging sarong Bikolano! Orgullo ko na maging sarong Pilipino!

Diskusyon

Walang puna.

Mag-iwan ng puna

Bikol updates hanap mo?

Aramon an pinakalab-as na tweets, posts, videos asin pictures manungod sa Bicol, i-click po an #Bicolandia Daily